उष्णलाटीच्या पार्श्वभूमीवर राज्य सज्ज; आपत्ती व्यवस्थापन विभागाकडून महत्त्वाचे हेल्पलाईन क्रमांक जाहीर

मुंबई : राज्यात वाढत्या उष्णतेच्या पार्श्वभूमीवर नागरिकांच्या सुरक्षिततेसाठी आपत्ती व्यवस्थापन विभागाने ‘महाराष्ट्र राज्य उष्णलाट कृती आराखडा 2024’ अंतर्गत विविध आपत्कालीन संपर्क क्रमांक जाहीर केले आहेत.

उष्णलाटीमुळे होणाऱ्या संभाव्य धोक्यांचा सामना करण्यासाठी प्रशासन सतर्क झाले असून, नागरिकांनी गरज भासल्यास तात्काळ या सेवांचा वापर करावा, असे आवाहन करण्यात आले आहे.

जिल्हा नियंत्रण कक्षासाठी 1077, रुग्णवाहिकेसाठी 108, पोलीस हेल्पलाईनसाठी 112 किंवा 100 तसेच राज्य नियंत्रण कक्षासाठी 1070 हा क्रमांक उपलब्ध आहे. राज्य नियंत्रण कक्षाचा दूरध्वनी क्रमांक 022-22027990 असून सॅटेलाईट फोन क्रमांक 8991119253 असा आहे.

तसेच controlroom@maharashtra.gov.in या ई-मेलद्वारेही संपर्क साधता येणार आहे. मंत्रालय पोलीस नियंत्रण कक्ष (022-22023270), हवामान विभाग (022-22174720), पोलीस महासंचालक कार्यालय (022-22026636) आणि आपत्ती व्यवस्थापन संचालनालय (022-22026868) यांचेही क्रमांक जाहीर करण्यात आले आहेत.

एनडीआरएफ पुणे (02114-247000), एसडीआरएफ ठाणे (02562-279434/5) आणि एसडीआरएफ नागपूर (7507740400) यांचे संपर्क क्रमांक देखील उपलब्ध असून आपत्कालीन परिस्थितीत त्वरित मदत मिळण्यासाठी हे क्रमांक महत्त्वाचे ठरणार आहेत.

याशिवाय मुलांसाठी 1098 आणि महिलांसाठी 1091 हे हेल्पलाईन क्रमांकही सुरू ठेवण्यात आले आहेत.

उष्णलाटीच्या काळात नागरिकांनी भरपूर पाणी पिणे, उन्हात जाणे टाळणे, तसेच लहान मुले, ज्येष्ठ नागरिक आणि आजारी व्यक्तींची विशेष काळजी घेणे आवश्यक असल्याचे प्रशासनाने स्पष्ट केले आहे.