म्यानमारचे राष्ट्राध्यक्ष यू मीन आँग ह्लाइंग यांचे मुंबईत आगमन; राज्यपाल जिष्णू देव वर्मा यांनी केले स्वागत

मुंबई, दि. 2 : म्यानमारचे राष्ट्राध्यक्ष यू मीन आँग ह्लाइंग आणि त्यांच्या शिष्टमंडळाचे आज सकाळी मुंबईतील छत्रपती शिवाजी महाराज आंतरराष्ट्रीय विमानतळावर आगमन झाले.

राष्ट्राध्यक्षांच्या स्वागतासाठी राज्यपाल जिष्णू देव वर्मा उपस्थित होते. त्यांनी पुष्पगुच्छ देऊन यू मीन आँग ह्लाइंग यांचे औपचारिक स्वागत केले.

यावेळी राजशिष्टाचार मंत्री जयकुमार रावल, भारतातील म्यानमारचे राजदूत अभय ठाकूर, सचिव तथा मुख्य राजशिष्टाचार अधिकारी डॉ. राजेश गवांडे, अतिरिक्त पोलीस आयुक्त अभिनव देशमुख, मुंबई उपनगरचे जिल्हाधिकारी सौरभ कटियार तसेच म्यानमारचे महावाणिज्यदूत मोहनराव पिंपळे यांच्यासह विविध मान्यवर उपस्थित होते.

स्वागत समारंभानंतर राष्ट्राध्यक्ष यू मीन आँग ह्लाइंग आणि त्यांच्या शिष्टमंडळाने नियोजित कार्यक्रमांसाठी निर्धारित स्थळी प्रस्थान केले.

या दौऱ्यामुळे भारत आणि म्यानमार यांच्यातील राजनैतिक, आर्थिक आणि सांस्कृतिक संबंध अधिक दृढ होण्यास मदत होणार असल्याची अपेक्षा व्यक्त केली जात आहे.