मातंग समाजातील गुणवंत विद्यार्थ्यांसाठी ‘साहित्यरत्न लोकशाहीर अण्णा भाऊ साठे शिष्यवृत्ती’; २७ जुलैपर्यंत अर्ज करण्याचे आवाहन

मुंबई | प्रतिनिधी देवानंद शिंदे 

मुंबई शहर आणि उपनगर जिल्ह्यातील मातंग समाजातील गुणवंत विद्यार्थ्यांसाठी ‘साहित्यरत्न लोकशाहीर अण्णा भाऊ साठे शिष्यवृत्ती’ योजनेअंतर्गत अर्ज मागविण्यात आले आहेत. पात्र विद्यार्थ्यांनी २७ जुलै २०२६ पर्यंत आवश्यक कागदपत्रांसह अर्ज सादर करण्याचे आवाहन साहित्यरत्न लोकशाहीर अण्णा भाऊ साठे विकास महामंडळ (मर्या) यांनी केले आहे.

ही शिष्यवृत्ती मांग, मातंग, मिनी मादीग, मादींग, दानखणी मांग, मांग महाशी, मदारी, राधेमांग, मांग गारुडी, मांग गारोडी, मादगी आणि मादिगा या मातंग समाजातील १२ पोटजातींतील विद्यार्थ्यांसाठी उपलब्ध आहे.

कोण अर्ज करू शकतात?

सन २०२५-२६ या शैक्षणिक वर्षात शिक्षण पूर्ण करून २०२६-२७ या शैक्षणिक वर्षात पुढील वर्गात प्रवेश घेतलेल्या आणि सरासरी ६० टक्क्यांपेक्षा अधिक गुण मिळविणाऱ्या विद्यार्थ्यांकडून अर्ज मागविण्यात आले आहेत.

या योजनेचा लाभ पुढील अभ्यासक्रमातील विद्यार्थ्यांना मिळणार आहे:

इयत्ता १० वी

इयत्ता १२ वी

पदवी

पदव्युत्तर पदवी

वैद्यकीय शिक्षण

अभियांत्रिकी शिक्षण

आवश्यक कागदपत्रे

अर्जासोबत पुढील कागदपत्रांच्या दोन प्रती जोडणे आवश्यक आहे:

जातीचा दाखला

रेशन कार्ड

आधार कार्ड

शाळा/महाविद्यालयाचा दाखला

गुणपत्रिका (मार्कशीट)

दोन पासपोर्ट आकाराचे फोटो

पुढील वर्गात प्रवेश घेतल्याचा पुरावा

संपूर्ण पत्ता व भ्रमणध्वनी क्रमांक

अर्ज कुठे करावा?

पात्र विद्यार्थ्यांनी आपला अर्ज पुढील पत्त्यावर २७ जुलै २०२६ पर्यंत पाठवावा:

जिल्हा व्यवस्थापक

साहित्यरत्न लोकशाहीर अण्णा भाऊ साठे विकास महामंडळ (मर्या)

मुंबई गृहनिर्माण भवन,

तळमजला, रूम क्रमांक ३३,

कलानगर, बांद्रा (पूर्व),

मुंबई – ४०००५१.

जिल्हा व्यवस्थापक, साहित्यरत्न लोकशाहीर अण्णा भाऊ साठे विकास महामंडळ (मर्या), मुंबई शहर-उपनगर यांनी प्रसिद्धीपत्रकाद्वारे पात्र विद्यार्थ्यांनी मुदतीपूर्वी अर्ज सादर करून या शिष्यवृत्ती योजनेचा लाभ घ्यावा, असे आवाहन केले आहे.