म्हाडा मुंबई मंडळ सोडत २०२६ ला नागरिकांचा उत्स्फूर्त प्रतिसाद; २,६४० घरांसाठी अर्ज करण्याची अखेरची संधी

मुंबई ब्यूरो अनिल सावरे 

मुंबई, दि. २७ मे २०२६ : महाराष्ट्र गृहनिर्माण व क्षेत्रविकास प्राधिकरण (म्हाडा) मुंबई मंडळाच्या २,६४० सदनिकांच्या संगणकीय सोडतीला नागरिकांकडून मोठा प्रतिसाद मिळत आहे. आतापर्यंत एकूण ८८,७६३ अर्ज प्राप्त झाले असून त्यापैकी ६२,४२० अर्जदारांनी अनामत रक्कम भरून सहभाग निश्चित केला आहे.

म्हाडाने इच्छुक नागरिकांना अर्जासाठी केवळ एक दिवसाचा अवधी शिल्लक असल्याची माहिती दिली आहे. इच्छुक नागरिक २८ मे २०२६ रोजी रात्री ११.५९ वाजेपर्यंत ऑनलाइन अर्ज करू शकणार आहेत.

मुंबईसारख्या महानगरात आधुनिक सुविधा आणि दर्जेदार घर मिळविण्याची संधी असल्याने या सोडतीकडे नागरिकांचा मोठा कल दिसून येत आहे. विशेषतः विक्रोळी (पूर्व) येथील कन्नमवार नगर गृहप्रकल्प नागरिकांच्या पसंतीस उतरला आहे.

कन्नमवार नगर प्रकल्पाची प्रमुख वैशिष्ट्ये

विक्रोळीतील कन्नमवार नगर गृहप्रकल्पामध्ये आधुनिक सुविधा उपलब्ध करून देण्यात आल्या आहेत. त्यामध्ये –

सर्व खोल्यांना आणि स्वयंपाकघराला स्वतंत्र बाल्कनी

व्हिट्रिफाईड फ्लोअरिंग

आधुनिक किचन व ग्रॅनाईट प्लॅटफॉर्म

डिझायनर बाथरूम

उच्च दर्जाचे सॅनिटरी फिटिंग

जिप्सम फॉल्स सिलिंग

एलईडी लाईटिंग

फायर रेटेड प्रवेशद्वार

उच्चगती लिफ्ट

पॉवर बॅकअप

ब्रँडेड इलेक्ट्रिकल फिटिंग

सीसीटीव्ही सुरक्षा

गेटेड कम्युनिटी

जॉगिंग ट्रॅक

आधुनिक जिम

मुलांसाठी खेळाची सुविधा

बहुउद्देशीय सभागृह

रेन वॉटर हार्वेस्टिंग

सांडपाणी प्रक्रिया केंद्र (STP)

सेंद्रिय कचरा प्रक्रिया यंत्रणा

अनधिकृत गाळ्यांवर कारवाई

म्हाडा मुंबई मंडळाने विक्रोळी गृहप्रकल्प परिसरातील सुमारे १७० अनधिकृत दुकानी गाळे हटविण्याची कारवाई केली आहे. त्यामुळे परिसर अधिक स्वच्छ, सुव्यवस्थित आणि आकर्षक बनल्याचे म्हाडाने सांगितले.

७.५ टक्के किंमत कपात आणि मोफत पार्किंग

कन्नमवार नगर प्रकल्पातील संकेत क्रमांक ५३८ आणि ५३९ मधील १,२२१ सदनिकांच्या किमतीत ७.५ टक्के कपात करण्यात आली आहे.

तसेच उच्च उत्पन्न गटासाठी राखीव करण्यात आलेल्या काही सदनिकांसाठी प्रत्येक लाभार्थ्याला एक वाहनतळ (पार्किंग) मोफत देण्याचा निर्णयही घेण्यात आला आहे.

महत्त्वाच्या तारखा

ऑनलाइन अर्ज अंतिम तारीख : २८ मे २०२६, रात्री ११.५९

अनामत रक्कम भरण्याची अंतिम तारीख : २९ मे २०२६

प्रारूप यादी जाहीर : १० जून २०२६

दावे व हरकती : १२ जून २०२६ पर्यंत

अंतिम यादी : १६ जून २०२६

मुंबई मंडळाने यंदाच्या सोडतीत अत्यल्प उत्पन्न गट, अल्प उत्पन्न गट, मध्यम उत्पन्न गट आणि उच्च उत्पन्न गटासाठी एकूण २,६४० सदनिका उपलब्ध करून दिल्या आहेत.

म्हाडाने नागरिकांना मुदत संपण्यापूर्वी अर्ज करून या घरसंधीचा लाभ घेण्याचे आवाहन केले आहे.