‘मुंबई क्लीन लीग’साठी स्वच्छतेची दृश्यमानता वाढवा; आयुक्त अश्विनी भिडे यांचे निर्देश

बृहन्मुंबई महानगरपालिका (दि. २२ एप्रिल २०२६): ‘मुंबई क्लीन लीग’च्या पार्श्वभूमीवर शहरातील स्वच्छतेची दृश्यमानता (Visibility) वाढविण्यावर भर देण्याचे स्पष्ट निर्देश आयुक्त अश्विनी भिडे यांनी दिले.

मुंबईतील प्रमुख रस्ते, महामार्ग, दुभाजक तसेच मोकळ्या जागा स्वच्छ ठेवण्यासाठी आधुनिक यंत्रसामुग्री आणि मनुष्यबळाचा प्रभावी वापर करावा. बांधकामातील राडारोडा तात्काळ हटवून शहराचे सौंदर्य वाढविण्यास प्राधान्य द्यावे, असे त्यांनी सांगितले.

पश्चिम उपनगरात पहाटे आकस्मिक पाहणी

मुंबईतील पश्चिम उपनगरांमध्ये एच पूर्व, एच पश्चिम, के पूर्व, के पश्चिम आणि के दक्षिण विभागांत आयुक्तांनी पहाटे आकस्मिक भेट देऊन स्वच्छतेच्या कामांची पाहणी केली.

यामध्ये:

धर्मशाळा चौकी (वांद्रे पश्चिम)

पश्चिम द्रुतगती महामार्ग

अंधेरी पूर्व येथील गुरू गोविंदसिंग मार्ग

जे. बी. रोड मेट्रो परिसर

सावित्रीबाई फुले उद्यान

या ठिकाणांचा समावेश होता.

स्वच्छता कर्मचाऱ्यांची उपस्थिती, हजेरी, यंत्रसामुग्रीचा वापर आणि दैनंदिन कामकाज याची त्यांनी सखोल चौकशी केली.

स्वच्छतेवर अधिक भर देण्याचे निर्देश

पहाटे स्वच्छता मोहिमेवर अधिक लक्ष केंद्रित करावे

रस्ते, दुभाजक आणि मोकळ्या जागांवरील कचरा तात्काळ हटवावा

उपआयुक्त व सहायक आयुक्तांनी प्रत्यक्ष पाहणी करावी

प्रत्येक रस्ता आठवड्यातून किमान एकदा धुवावा

तसेच, स्वच्छतेच्या कामांवर देखरेख ठेवण्यासाठी स्वतंत्र अधिकाऱ्यांची नियुक्ती करण्याचे निर्देशही देण्यात आले.

अत्याधुनिक यंत्रसामुग्रीचा वापर

मुंबई स्वच्छ ठेवण्यासाठी उपलब्ध आधुनिक स्विपिंग मशीन आणि अन्य साधनांचा प्रभावी वापर करावा. कचरा उचलल्यानंतर संबंधित जागा तात्काळ स्वच्छ करावी, असेही निर्देश देण्यात आले.

कंत्राटदारांना नोटीस देण्याचे आदेश

बांधकाम कामांदरम्यान स्वच्छतेचे नियम न पाळणाऱ्या कंत्राटदारांना तात्काळ नोटीस बजावण्याचे आदेश आयुक्तांनी दिले.

नागरिक सहभागावर भर

‘मुंबई क्लीन लीग’मध्ये रहिवासी आणि व्यावसायिक संकुलांचा सहभाग वाढविण्यावर भर देण्यात येणार आहे. स्वच्छतेच्या निकषांवर सहायक आयुक्तांचे मूल्यमापन करण्यात येईल.

वसुंधरा दिनानिमित्त वृक्षारोपण

जागतिक वसुंधरा दिन निमित्ताने अंधेरी पूर्व येथील सावित्रीबाई फुले उद्यानात आयुक्त अश्विनी भिडे यांच्या हस्ते चाफ्याचे रोपटे लावण्यात आले.