नौदल प्रमुख ॲडमिरल कृष्णा स्वामीनाथन यांनी राज्यपाल जिष्णु देव वर्मा यांची सदिच्छा भेट घेतली
भारतीय नौसेनेचे नवनियुक्त प्रमुख ॲडमिरल कृष्णा स्वामीनाथन यांनी मुंबईतील लोकभवन येथे महाराष्ट्राचे राज्यपाल जिष्णु देव वर्मा यांची सदिच्छा भेट घेतली. राज्यपालांनी त्यांचे अभिनंदन करून स्मृतिचिन्ह देत सत्कार केला.
मुंबई | प्रतिनिधी : नरेश शिंदे
भारतीय नौसेनेचे नवनियुक्त प्रमुख ॲडमिरल कृष्णा स्वामीनाथन यांनी मंगळवारी मुंबईतील लोकभवन येथे महाराष्ट्राचे राज्यपाल जिष्णु देव वर्मा यांची सदिच्छा भेट घेतली.
या भेटीदरम्यान राज्यपाल जिष्णु देव वर्मा यांनी ॲडमिरल कृष्णा स्वामीनाथन यांची भारतीय नौदल प्रमुखपदी नियुक्ती झाल्याबद्दल त्यांचे मनःपूर्वक अभिनंदन केले. तसेच त्यांच्या आगामी कार्यकाळासाठी शुभेच्छा व्यक्त करत स्मृतिचिन्ह प्रदान करून त्यांचा सत्कार केला.
या सदिच्छा भेटीत भारतीय नौदलाची भूमिका, राष्ट्रीय सुरक्षेतील योगदान आणि संरक्षण क्षेत्राशी संबंधित विविध विषयांवरही सौहार्दपूर्ण चर्चा झाल्याची माहिती सूत्रांनी दिली.
भारतीय नौदलाच्या नेतृत्वाची धुरा स्वीकारल्यानंतर ॲडमिरल कृष्णा स्वामीनाथन यांनी विविध मान्यवरांच्या भेटीगाठी सुरू केल्या असून, राज्यपालांसोबतची ही भेट त्याचाच एक भाग असल्याचे मानले जात आहे.
What's Your Reaction?
Like
1
Dislike
0
Love
0
Funny
0
Angry
0
Sad
0
Wow
0
