परिवहन मंत्री प्रताप सरनाईक यांचा कोल्हापूर दौरा; चार बसस्थानकांचे उद्घाटन

परिवहन मंत्री प्रताप सरनाईक यांचा कोल्हापूर दौरा

कोल्हापूर, दि. १५

महाराष्ट्र राज्याचे परिवहन मंत्री प्रताप सरनाईक हे शुक्रवार, दि. १७ एप्रिल २०२६ रोजी कोल्हापूर दौऱ्यावर येणार असून त्यांच्या हस्ते शासन निधीतून उभारण्यात आलेल्या शहरातील चार एसटी बसस्थानकांचे उद्घाटन करण्यात येणार आहे.

या दौऱ्यात प्रमुख आकर्षण म्हणून छत्रपती संभाजीनगर बसस्थानकासह वाठार, पेठवडगाव आणि जयसिंगपूर येथील बसस्थानकांचे उद्घाटन होणार आहे.

दौऱ्याचा सविस्तर कार्यक्रम

सकाळी १०.१० वाजता कोल्हापूर विमानतळावर आगमन होईल. त्यानंतर शासकीय विश्रामगृह येथे प्रयाण करण्यात येईल. सकाळी ११ ते ११.२० दरम्यान कोल्हापूर मध्यवर्ती बसस्थानकाची पाहणी करण्यात येईल.

यानंतर श्री क्षेत्र अंबाबाई मंदिर येथे दर्शन घेण्यात येईल. पुढे वाठार (१२.२० वाजता) आणि पेठवडगाव (१२.४० वाजता) येथे बसस्थानक उद्घाटन कार्यक्रम होणार आहेत.

दुपारी १.४० वाजता नृसिंहवाडी मंदिर येथे दर्शन घेऊन जयसिंगपूर येथे दुपारी २.२० ते ३ या वेळेत बसस्थानक लोकार्पण सोहळा पार पडणार आहे.

यानंतर दुपारी ३ ते ३.३० या वेळेत आमदार राजेंद्र पाटील-यड्रावकर यांच्या निवासस्थानी सदिच्छा भेट दिली जाईल.

मुख्य कार्यक्रम

दुपारी ४ ते ४.४० या वेळेत छत्रपती संभाजी महाराज बसस्थानक येथे भव्य लोकार्पण सोहळा आयोजित करण्यात आला आहे. या कार्यक्रमात विविध मान्यवरांची उपस्थिती अपेक्षित आहे.

यानंतर सायंकाळी शासकीय विश्रामगृह येथे मुक्काम असून रात्री ८.५० वाजता कोल्हापूर विमानतळावरून मुंबईकडे प्रयाण करण्यात येणार आहे.