पिंपरीतील अवैध व भेसळयुक्त ताडीविरोधात एक्साईज विभागाची धडक कारवाई; अभय आवटे, प्रमोद पालवे यांचा अजीज भाई शेख यांच्याकडून सत्कार

प्रतिनिधी रोहन सोनाळे 

पिंपरी | दि. १२ ऑगस्ट २०२६ : पिंपरी परिसरातील अवैध व भेसळयुक्त ताडी विक्रीविरोधात एक्साईज विभागाने केलेल्या धडक कारवाईचे रिपब्लिकन पार्टी ऑफ इंडिया (आठवले) वाहतूक आघाडीचे महाराष्ट्र प्रदेश अध्यक्ष अजीज भाई शेख यांनी स्वागत केले. या उल्लेखनीय कारवाईबद्दल एक्साईज अधिकारी अभय आवटे आणि प्रमोद पालवे यांचा पुष्पगुच्छ देऊन सत्कार करण्यात आला.

पिंपरी परिसरातील संबंधित ताडीच्या गुद्द्यावर एक्साईज विभागाच्या अधिकाऱ्यांनी प्रत्यक्ष कारवाई करत कायदेशीर प्रक्रिया राबवली. संबंधित ठिकाणी सील लावण्यात आले. नागरिकांच्या तक्रारींची गांभीर्याने दखल घेत स्वतः घटनास्थळी जाऊन कारवाई करणाऱ्या अभय आवटे आणि प्रमोद पालवे यांच्या कार्यपद्धतीचे यावेळी विशेष कौतुक करण्यात आले.

कर्तव्यदक्ष अधिकाऱ्यांचे कौतुक

यावेळी अजीज भाई शेख म्हणाले, “अभय आवटे सर आणि प्रमोद पालवे सर यांच्यासारखे कर्तव्यदक्ष, जागरूक आणि कायद्याची प्रभावी अंमलबजावणी करणारे अधिकारी समाजासाठी अत्यंत महत्त्वाचे आहेत. गोरगरीब कुटुंबांचे संसार व्यसनामुळे उद्ध्वस्त होऊ नयेत, यासाठी अशा प्रकारच्या अवैध व्यवसायांवर कायदेशीर कारवाई होणे आवश्यक आहे.”

एक्साईज विभागाच्या अधिकाऱ्यांनी आपल्या कर्तव्याची प्रभावी अंमलबजावणी करून दाखविल्याने त्यांचा सत्कार करणे आणि मनापासून आभार मानणे हे आपले कर्तव्य असल्याचेही त्यांनी सांगितले.

पुणे जिल्हा एक्साईज विभागाचे आभार

या कारवाईसाठी पुणे जिल्हा एक्साईज विभागातील वरिष्ठ अधिकारी, अधिकारी आणि कर्मचारी यांचेही अजीज भाई शेख यांनी मनःपूर्वक आभार व्यक्त केले.

नागरिकांच्या हितासाठी जागरूक राहून करण्यात आलेल्या या कारवाईचे कौतुक करताना, प्रामाणिक, कर्तव्यदक्ष आणि जागरूक राहून काम करणाऱ्या अधिकाऱ्यांची आज समाजाला गरज असल्याचे त्यांनी नमूद केले.

पोलीस आणि एलआयबीचे महत्त्वपूर्ण सहकार्य

या संपूर्ण कारवाईमध्ये एलआयबीचे जाधव साहेब तसेच पिंपरी पोलीस स्टेशनचे अधिकारी आणि कर्मचारी यांचे महत्त्वपूर्ण सहकार्य लाभल्याचे अजीज भाई शेख यांनी सांगितले.

संबंधित प्रकरणाची दखल घेऊन एक्साईज विभागाशी समन्वय साधत कायदेशीर कारवाईसाठी सहकार्य केल्याबद्दल त्यांनी पिंपरी पोलीस स्टेशनचे विशेष आभार मानले.

तसेच पिंपरी पोलीस स्टेशनमध्ये बोबडे मॅडम यांच्यासारख्या कर्तव्यदक्ष महिला पोलीस अधिकाऱ्यांची उपस्थिती ही निश्चितच कौतुकाची बाब असल्याचेही त्यांनी सांगितले.

पोलीस-एक्साईज समन्वयातून अवैध व्यवसायांना आळा

“पोलिस प्रशासन आणि एक्साईज विभागाने एकमेकांशी समन्वय ठेवून नागरिकांच्या तक्रारींवर तातडीने कारवाई केली, तर अवैध व्यवसायांना निश्चितच आळा बसू शकतो. नागरिकांच्या हितासाठी काम करणाऱ्या प्रत्येक कर्तव्यदक्ष अधिकाऱ्याच्या पाठीशी आम्ही सदैव उभे राहू,” असे अजीज भाई शेख यांनी स्पष्ट केले.

व्यसनामुळे अनेक गोरगरीब कुटुंबांचे संसार उद्ध्वस्त होतात. त्यामुळे अवैध व भेसळयुक्त ताडी तसेच नागरिकांच्या आरोग्यास धोका निर्माण करणाऱ्या प्रकारांविरोधात प्रशासनाने कायद्याच्या चौकटीत सातत्याने कठोर कारवाई करावी, अशी अपेक्षाही त्यांनी व्यक्त केली.

संबंधित अधिकारी-कर्मचाऱ्यांचे अभिनंदन

या उल्लेखनीय कारवाईबद्दल अभय आवटे, प्रमोद पालवे, पुणे जिल्हा एक्साईज विभागातील सर्व वरिष्ठ अधिकारी व अधिकारी-कर्मचारी, एलआयबीचे जाधव साहेब, बोबडे मॅडम तसेच पिंपरी पोलीस स्टेशनचे सर्व अधिकारी व कर्मचारी यांचे अजीज भाई शेख यांनी मनःपूर्वक अभिनंदन आणि आभार व्यक्त केले.

— अजीज भाई शेख

महाराष्ट्र प्रदेश अध्यक्ष

रिपब्लिकन पार्टी ऑफ इंडिया (आठवले) वाहतूक