मुंबईतील अनेक भागात १६ व १७ एप्रिलला पाणीपुरवठा बंद; नागरिकांनी साठा करण्याचे आवाहन

मुंबई: बृहन्मुंबई महानगरपालिकेच्या वतीने शहरातील विविध भागांमध्ये १६ आणि १७ एप्रिल २०२६ रोजी पाणीपुरवठा बंद किंवा कमी दाबाने होणार असल्याची माहिती देण्यात आली आहे.

या अंतर्गत हाथीबाग, बीपीटी क्षेत्र, रामभाऊ भोगले मार्ग परिसर, काळाचौकी, नारियलवाडी, संत सावता मार्ग, वीर तानाजी मालुसरे मार्ग, बॅ. नाथ पै मार्ग, घोडपदेव, शिवदास चापशी मार्ग, दारूखाना, लाकूड बंदर, कोळसा बंदर, दरगाह गली आदी भागांमध्ये १६ एप्रिल रोजी पाणीपुरवठा पूर्णपणे बंद राहणार आहे.

तसेच जे.जे. रुग्णालय, कस्तुरबा रुग्णालय आणि नायर रुग्णालय येथे कमी दाबाने पाणीपुरवठा होणार आहे.

एफ दक्षिण विभागातील अभ्युदय नगर, शिवडी, वडाळा (पूर्व), डॉ. ई. बॉर्जेस रोड, लालबाग, दादर, भोईवाडा, परळ परिसरातील विविध भागांमध्ये १६ व १७ एप्रिल रोजी काही वेळेस पाणीपुरवठा बंद किंवा कमी दाबाने होणार आहे.

महत्त्वाच्या रुग्णालयांमध्येही १६ एप्रिल सकाळी १० ते १७ एप्रिल पहाटे ४ वाजेपर्यंत कमी दाबाने पाणीपुरवठा होणार असल्याचे सांगण्यात आले आहे.

महानगरपालिका प्रशासनाने नागरिकांना आवश्यक पाण्याचा साठा करून ठेवण्याचे आवाहन केले आहे. तसेच पाणीपुरवठा सुरळीत झाल्यानंतरही पुढील ४ ते ५ दिवस पाणी उकळून व गाळून पिण्याचा सल्ला देण्यात आला आहे.

मुंबई पाणीपुरवठा बंद, BMC water cut, 16 एप्रिल 2026 पाणी बंद, 17 एप्रिल पाणीपुरवठा, मुंबई पाणी समस्या, एफ दक्षिण विभाग