अनुसूचित जाती आरक्षण उपवर्गीकरणासाठी सकल मातंग समाज आक्रमक; निर्णय न झाल्यास २५ जूनला आझाद मैदानावर आंदोलन

मुंबई : मुंबईतील Mumbai Press Club येथे आज सकल मातंग समाजाच्या वतीने अनुसूचित जाती आरक्षण उपवर्गीकरण या विषयावर चर्चासत्र आयोजित करण्यात आले. या चर्चासत्रात राज्यभरातील सकल मातंग समाजाचे समन्वयक तसेच आरक्षणाच्या लाभापासून वंचित राहिलेल्या इतर जातींचे प्रतिनिधी मोठ्या संख्येने उपस्थित होते.

बैठकीत शासनाकडून अनुसूचित जाती आरक्षण उपवर्गीकरणाचा निर्णय घेण्यास होत असलेल्या विलंबाबाबत तीव्र नाराजी व्यक्त करण्यात आली. आरक्षणाचा लाभ काही विशिष्ट घटकांपुरता मर्यादित राहत असून वंचित समाजघटकांना न्याय मिळावा, यासाठी उपवर्गीकरण आवश्यक असल्याची भूमिका उपस्थित प्रतिनिधींनी मांडली.

चर्चासत्रात असा निर्णय घेण्यात आला की, शासनाने १५ जून २०२६ पर्यंत आरक्षण उपवर्गीकरणाबाबत निर्णय जाहीर न केल्यास येत्या पावसाळी अधिवेशनादरम्यान २५ जून २०२६ रोजी मुंबईतील Azad Maidan येथे भव्य आंदोलन करण्यात येईल.

तसेच राज्यातील विविध जिल्हा स्तरावरही आंदोलन छेडण्यात येणार असल्याचे बैठकीत निश्चित करण्यात आले. शासनाने समाजाच्या मागण्यांकडे गांभीर्याने लक्ष देऊन लवकरात लवकर निर्णय घ्यावा, अशी मागणी यावेळी करण्यात आली.