सब ज्युनिअर जिल्हा तलवारबाजी अजिंक्यपद स्पर्धेला उत्साहात सुरुवात; शरण्या डेर्ले व प्रणव डेर्ले यांची सुवर्ण कामगिरी

नाशिक | ब्यूरो 

कालिका मंदिर सभागृह येथे आयोजित सब ज्युनिअर जिल्हा तलवारबाजी अजिंक्यपद स्पर्धेला उत्साहात सुरुवात झाली. विविध प्रकारांमध्ये जिल्ह्यातील उदयोन्मुख तलवारबाजांनी सहभाग नोंदवत आपल्या कौशल्याचे उत्कृष्ट प्रदर्शन केले.

स्पर्धेचे उद्घाटन डॉ. प्रा. दिनेश कराड यांच्या हस्ते झाले. कार्यक्रमाच्या अध्यक्षस्थानी छत्रपती पुरस्कार विजेते राजू शिंदे होते. यावेळी ऑलिंपिक सप्ताहाचे समन्वयक अविनाश ढोली, छत्रपती पुरस्कार विजेते जय शर्मा, दीपक निकम तसेच क्रीडा क्षेत्रातील मान्यवर उपस्थित होते.

कार्यक्रमाचे प्रास्ताविक राहुल पाटोळे यांनी केले, तर सूत्रसंचालन प्रसाद परदेशी यांनी केले.

स्पर्धेचा निकाल

सेबर (मुली)

🥇 सुवर्ण : शरण्या डेर्ले

🥈 रौप्य : अनघा माळी

🥉 कांस्य : माहीन शेख आणि सारा शिवाजी

फॉईल (मुले)

🥇 सुवर्ण : प्रणव डेर्ले

🥈 रौप्य : शौर्य यादव

🥉 कांस्य : चिरायू पाटील आणि श्रीकांत पाटील

स्पर्धेच्या उद्घाटनदिनी खेळाडूंनी उत्कृष्ट खेळाचे प्रदर्शन करत उपस्थितांची दाद मिळवली. आयोजकांनी स्पर्धेच्या यशस्वी आयोजनासाठी सर्व सहभागी, प्रशिक्षक आणि पालकांचे आभार मानले.