कोल्हापूर जिल्ह्यात गेल्या २४ तासांत सरासरी ३२.५४ मिमी पाऊस; गगनबावडा तालुक्यात सर्वाधिक ५८.५ मिमी नोंद

कोल्हापूर | प्रतिनिधी उमेश जाधव 

कोल्हापूर जिल्ह्यात गेल्या २४ तासांत सरासरी ३२.५४ मिमी पावसाची नोंद झाली असून, गगनबावडा तालुक्यात सर्वाधिक ५८.५ मिमी पाऊस झाल्याची माहिती जिल्हा प्रशासनाने दिली आहे.

जिल्ह्यातील विविध तालुक्यांमध्ये मध्यम ते जोरदार स्वरूपाचा पाऊस झाला असून, अनेक भागांमध्ये शेती आणि जलसाठ्यांसाठी हा पाऊस लाभदायक ठरत आहे.

तालुकानिहाय पावसाची नोंद (मिमीमध्ये)

गगनबावडा – ५८.५ मिमी

राधानगरी – ४७.५ मिमी

चंदगड – ३९.३ मिमी

पन्हाळा – ३८.१ मिमी

आजरा – ३७.० मिमी

करवीर – २९.४ मिमी

गडहिंग्लज – २८.२ मिमी

भुदरगड – २७.६ मिमी

कागल – २४.२ मिमी

हातकणंगले – २३.० मिमी

शाहुवाडी – २०.८ मिमी

शिरोळ – १६.९ मिमी

जिल्ह्यातील सर्व तालुक्यांमध्ये मिळून सरासरी ३२.५४ मिमी पावसाची नोंद झाली आहे.

सतत सुरू असलेल्या पावसामुळे नद्या, धरणे आणि जलाशयांच्या पाणीपातळीत वाढ होण्याची शक्यता असून, प्रशासन परिस्थितीवर लक्ष ठेवून आहे. नागरिकांनी हवामान विभाग आणि जिल्हा प्रशासनाच्या सूचनांचे पालन करण्याचे आवाहन करण्यात आले आहे.