विधानसभा तालिका अध्यक्षांची नियुक्ती जाहीर; नऊ सदस्यांची निवड
महाराष्ट्र विधानसभेच्या पावसाळी अधिवेशनासाठी विधानसभा अध्यक्ष राहुल नार्वेकर यांनी तालिका अध्यक्षांच्या नियुक्त्या जाहीर केल्या. विविध पक्षांतील नऊ सदस्यांची तालिका अध्यक्ष म्हणून निवड करण्यात आली आहे.
मुंबई प्रतिनिधी : नरेश शिंदे
मुंबई, दि. 23 जून : महाराष्ट्र विधिमंडळाच्या पावसाळी अधिवेशनाला सुरुवात झाल्यानंतर विधानसभा कामकाज अधिक प्रभावी आणि सुरळीतपणे पार पाडण्यासाठी विधानसभा अध्यक्ष ॲड. राहुल नार्वेकर यांनी तालिका अध्यक्षांच्या नियुक्त्या जाहीर केल्या.
विधानसभा सभागृहात ही घोषणा करताना अध्यक्ष राहुल नार्वेकर यांनी विविध सदस्यांची तालिका अध्यक्ष म्हणून नियुक्ती करण्यात आल्याची माहिती दिली.
यामध्ये सदस्य योगेश सागर, अर्जुन खोतकर, प्रतापराव पाटील-चिखलीकर, सुनील शेळके, कैलास पाटील, हेमंत ओगले, राजू खरे, समीर कुणावार आणि समाधान अवताडे यांची तालिका अध्यक्षपदी नियुक्ती करण्यात आली आहे.
विधानसभेच्या कामकाजादरम्यान अध्यक्ष अनुपस्थित असताना किंवा आवश्यकतेनुसार तालिका अध्यक्ष सभागृहाचे संचालन करण्याची जबाबदारी पार पाडतात. त्यामुळे अधिवेशनाचे कामकाज सुरळीत चालविण्यात या पदाचे महत्त्वाचे योगदान असते.
पावसाळी अधिवेशनाच्या पार्श्वभूमीवर करण्यात आलेल्या या नियुक्त्यांमुळे विधानसभेतील कामकाज अधिक शिस्तबद्ध आणि कार्यक्षम होण्यास मदत होणार असल्याचे मानले जात आहे.
What's Your Reaction?
Like
4
Dislike
0
Love
1
Funny
0
Angry
0
Sad
0
Wow
1
