गौसंमान जागरण अभियानांतर्गत तहसीलदारांना निवेदन; गोवंश संरक्षणासाठी 8 प्रमुख मागण्या

महाराज अशोकनाथ जी..

गौसंमान जागरण अभियानांतर्गत तहसीलदारांना निवेदन; गोवंश संरक्षणासाठी विविध मागण्या

तालुक्यात सर्व गोभक्त, संत समाज तसेच विविध हिंदुत्ववादी संघटनांच्या वतीने “गौसंमान जागरण अभियान” राबविण्यात आले. या अभियानांतर्गत सोमवार, 28 एप्रिल रोजी तहसीलदार, उपविभागीय अधिकारी (SDO), SDM तसेच संबंधित प्रशासन अधिकाऱ्यांना निवेदन सादर करण्यात आले.

भारतीय संस्कृतीत गायीला मातृस्वरूप मानले जाते. गोवंश संरक्षणासाठी शासनाने ठोस उपाययोजना कराव्यात, या मागणीसाठी आंदोलनकर्त्यांनी प्रशासनाचे लक्ष वेधले. निवेदनात गोहत्याबंदी कायदा कठोर करणे, गोवंशाला राष्ट्रीय प्राणी घोषित करणे, गोसेवकांना संरक्षण देणे, गोशाळांना मदत उपलब्ध करून देणे अशा विविध मागण्या करण्यात आल्या.

निवेदनातील प्रमुख मागण्या पुढीलप्रमाणे आहेत – भारतीय संविधानातील अनुच्छेद 48 ची प्रभावी अंमलबजावणी करावी, गोवंशाला राष्ट्रीय प्राणी घोषित करावे, केंद्र शासनाने स्वतंत्र गोमाता मंत्रालय स्थापन करावे, गोहत्याबंदी संदर्भातील कायद्यांची कठोर अंमलबजावणी करावी, ग्रामीण भागात निराधार गोवंशासाठी गोशाळा उभाराव्यात, प्रत्येक 50 ते 100 किलोमीटर अंतरावर गोसेवा केंद्र सुरू करावीत, गोसेवा करणाऱ्यांना संरक्षण द्यावे तसेच शेतकरी व गोवंश संरक्षणासाठी विशेष कायदा करावा.

यावेळी उपस्थित कार्यकर्त्यांनी शासनाने तातडीने निर्णय घ्यावा, अन्यथा पुढील काळात तीव्र आंदोलन छेडण्यात येईल, असा इशाराही दिला. या निवेदनामुळे परिसरात चर्चेला उधाण आले आहे.