7 एप्रिलपासून लोणार येथे भव्य योग महोत्सवाची सुरुवात; नागरिकांना मोठ्या सहभागाचे आवाहन

महेंद्र मिश्रा, बुलढाणा

बुलढाणा : बुलढाणा जिल्ह्यातील लोणार येथे 7 एप्रिलपासून भव्य योग महोत्सवाची सुरुवात होणार असून, या उपक्रमात मोठ्या संख्येने नागरिकांनी सहभागी व्हावे, असे आवाहन करण्यात आले आहे.

2014 साली पंतप्रधान Narendra Modi यांच्या पुढाकाराने आणि त्यांच्या मंत्रिमंडळाच्या सहकार्याने 21 जून हा दिवस ‘आंतरराष्ट्रीय योग दिन’ म्हणून घोषित करण्यात आला. संयुक्त राष्ट्रांच्या 193 सदस्यांपैकी 175 देशांनी या प्रस्तावाला पाठिंबा देत योग साधनेचे महत्त्व जगासमोर मांडले.

यंदा 21 जून 2026 रोजी बारावा आंतरराष्ट्रीय योग दिन साजरा होणार आहे. त्याच्या पूर्वतयारीसाठी आयुष मंत्रालयाच्या वतीने 100 दिवसांचा विशेष कार्यक्रम राबविण्यात येत आहे. या उपक्रमाचा दुसरा टप्पा म्हणजे 75 दिवसांचे काउंटडाउन लोणार येथे आयोजित करण्यात आला आहे.

याबाबत माहिती देताना आयुष मंत्रालयाचे मंत्री Prataprao Jadhav यांनी पत्रकार परिषदेत सांगितले की, 7 एप्रिल रोजी लोणार येथे योग साधनेच्या भव्य कार्यक्रमाला प्रारंभ होईल. या कार्यक्रमात विविध संस्था, अध्यात्मिक गुरु, बचत गट, शाळा आणि नागरिक मोठ्या संख्येने सहभागी होणार आहेत.

या योग महोत्सवाच्या माध्यमातून बुलढाणा जिल्ह्याचे नाव ‘एशिया बुक’मध्ये नोंदविण्याचा प्रयत्न करण्यात येणार असून, यासाठी जिल्ह्यातील नागरिकांनी मोठ्या उत्साहाने सहभाग घ्यावा, असे आवाहनही त्यांनी केले.

योग साधनेमुळे शारीरिक व मानसिक आरोग्य सुधारते आणि निरोगी जीवनासाठी त्याचे मोठे महत्त्व असल्याचेही त्यांनी नमूद केले.