मुळेगावातील पाणीटंचाईवर प्रशासनाची तत्काळ कार्यवाही; गावात ५ पाण्याच्या टाक्या बसविल्या

नाशिक ब्यूरो : त्र्यंबकेश्वर तालुक्यातील मुळेगाव येथे निर्माण झालेल्या पाणीटंचाईच्या पार्श्वभूमीवर जिल्हा परिषद प्रशासनाने तातडीने उपाययोजना हाती घेतल्या आहेत. प्रभारी मुख्य कार्यकारी अधिकारी प्रतिभा संगमनेरे यांच्या निर्देशानुसार गावात तात्काळ पाच पाण्याच्या टाक्या बसविण्यात आल्या आहेत.

गावातील नागरिकांना पिण्याच्या पाण्याचा नियमित पुरवठा उपलब्ध व्हावा यासाठी प्रशासनाने ही कार्यवाही केली आहे. शाश्वत पाणीपुरवठा व्यवस्था निर्माण होईपर्यंत या टाक्यांच्या माध्यमातून ग्रामस्थांना नियमित पाणी उपलब्ध करून देण्यात येणार आहे.

प्रशासनाकडून गावातील परिस्थितीवर सातत्याने लक्ष ठेवण्यात येत असून नागरिकांना आवश्यक सुविधा उपलब्ध करून देण्यासाठी जिल्हा परिषद प्रशासन प्रयत्नशील असल्याचे सांगण्यात आले.

पाणीटंचाईच्या काळात नागरिकांना दिलासा देण्यासाठी प्रशासनाकडून आवश्यक उपाययोजना राबविल्या जात असून भविष्यात शाश्वत पाणीपुरवठा व्यवस्थेसाठीही प्रयत्न सुरू असल्याची माहिती प्रशासनाच्या वतीने देण्यात आली आहे.