कोल्हापूर जिल्ह्यात ‘जनगणना 2027’ साठी 1 ते 15 मे दरम्यान स्वयंगणनेची सुविधा

कोल्हापूर (दि. 22 एप्रिल): देशाच्या 2027 च्या जनगणनेचा कार्यक्रम जाहीर झाला असून, ही 21 व्या शतकातील तिसरी आणि देशातील पहिलीच पूर्णपणे डिजिटल जनगणना ठरणार आहे. यासंदर्भात कोल्हापूर जिल्ह्यातील तयारीबाबत माहिती देण्यासाठी पत्रकार परिषद आयोजित करण्यात आली.

या परिषदेत निवासी उपजिल्हाधिकारी तथा जिल्हा जनगणना अधिकारी गजानन गुरव यांनी सविस्तर माहिती दिली. जनगणना ही देशाच्या विकास योजनांच्या नियोजनासाठी अत्यंत महत्त्वाची प्रक्रिया असल्याचे त्यांनी सांगितले.

स्वयंगणना सुविधा (1 ते 15 मे 2026)

नागरिकांना 1 मे ते 15 मे 2026 या कालावधीत स्वतःची माहिती स्वतः भरता येणार आहे. यासाठी अधिकृत पोर्टलवर जाऊन माहिती नोंदवावी लागेल.

14 भाषांमध्ये माहिती भरण्याची सुविधा

माहिती भरल्यानंतर प्रत्येक कुटुंबाला स्वतंत्र आयडी मिळणार

हा आयडी सुरक्षित ठेवणे आवश्यक

16 मे ते 14 जून 2026 दरम्यान प्रगणक घरोघरी जाऊन माहितीची पडताळणी करतील.

जिल्ह्यातील तयारी व आकडेवारी

13 तहसील कार्यालये

13 नगरपालिका / नगरपरिषदा

1257 महसूल गावे

4999 हाऊस लिस्टिंग ब्लॉक्स

6054 प्रगणक आणि 995 पर्यवेक्षक नियुक्त

या सर्वांना आवश्यक प्रशिक्षण देण्यात आले आहे.

डिजिटल जनगणना आणि सुरक्षितता

यंदाची जनगणना पूर्णपणे डिजिटल पद्धतीने होणार असून ‘हाऊजलिस्ट ॲप’च्या माध्यमातून घर आणि कुटुंबाची सविस्तर माहिती संकलित केली जाणार आहे.

पाणी, वीज, स्वच्छता, मालमत्ता यांची माहिती नोंद

नागरिकांची माहिती पूर्णपणे सुरक्षित आणि गोपनीय

नागरिकांना आवाहन

जनगणना ही देशाच्या विकासाचा पाया असल्याने सर्व नागरिकांनी या प्रक्रियेत सक्रिय सहभाग घ्यावा. 1 ते 15 मे दरम्यान स्वयंगणनेचा लाभ घ्यावा आणि प्रगणकांना अचूक व प्रामाणिक माहिती द्यावी, असे आवाहन प्रशासनाने केले आहे.