बेलापूर आणि नेरुळमध्ये पाणी गुणवत्ता तपासणी मोहीम; पाणी पिण्यायोग्य असल्याची महापालिकेची माहिती

नवी मुंबई प्रतिनिधी देवानंद शिंदे 

नवी मुंबई : नागरिकांना सुरक्षित आणि स्वच्छ पिण्याचे पाणी उपलब्ध करून देण्याच्या उद्देशाने Navi Mumbai Municipal Corporation च्या पाणी पुरवठा विभागामार्फत बेलापूर आणि नेरुळ परिसरात विशेष पाणी गुणवत्ता तपासणी मोहीम राबविण्यात आली. या मोहिमेत नागरिकांच्या घरांमधून पाण्याचे नमुने गोळा करून त्यांची सखोल तपासणी करण्यात आली.

तपासणीदरम्यान पाण्यातील पीएच (pH), टीडीएस (TDS), टर्बिडिटी (Turbidity) तसेच क्लोरिनचे प्रमाण तपासण्यात आले. या चाचण्यांमध्ये पाणी आयएसआय मानकांनुसार पिण्यायोग्य असल्याचे आढळून आले. तसेच गढूळ पाण्याचे प्रमाणही नियंत्रणात असल्याची माहिती महापालिका प्रशासनाने दिली.

शटडाऊननंतर विशेष मोहीम

अलीकडेच झालेल्या जलवाहिनी शटडाऊननंतर काही भागांमध्ये गाळ साचल्याने गढूळ पाणी येत असल्याच्या तक्रारी नागरिकांकडून प्राप्त झाल्या होत्या. या तक्रारींची गंभीर दखल घेत महापालिकेने विशेष पाणी गुणवत्ता तपासणी मोहीम सुरू केली आहे.

नागरिकांसाठी हेल्पलाइन उपलब्ध

पाणीपुरवठ्याशी संबंधित समस्या, गढूळ पाणी किंवा पाइपलाइन

गळती आढळल्यास नागरिकांनी महापालिकेच्या 1800-222-309 या टोल-फ्री क्रमांकावर संपर्क साधावा, असे आवाहन प्रशासनाने केले आहे.

पावसाळ्यात आरोग्य संरक्षणाला मदत

या मोहिमेमुळे पाण्याचा अपव्यय रोखण्यास मदत होणार असून पावसाळ्याच्या पार्श्वभूमीवर दूषित पाण्यामुळे उद्भवू शकणारे जलजन्य आजार टाळण्यासाठीही महत्त्वाची भूमिका बजावली जाणार आहे. नागरिकांना सुरक्षित पिण्याचे पाणी उपलब्ध करून देण्यासाठी महापालिका प्रशासन सातत्याने पाणी गुणवत्ता तपासणी आणि देखरेख करत असल्याचे सांगण्यात आले आहे.