मुलुंडमध्ये संशयातून चाकू हल्ला; तरुणाची हत्या, आरोपीला तात्काळ अटक

मुंबई ब्यूरो अनिल सावरे 

मुंबई : मुलुंड पश्चिम परिसरात पत्नीशी संबंध असल्याच्या संशयातून एका 31 वर्षीय तरुणाची चाकूने हत्या करण्यात आल्याची धक्कादायक घटना उघडकीस आली आहे. या प्रकरणी मुलुंड पोलिस ठाण्यात गुन्हा दाखल करण्यात आला असून आरोपीला तात्काळ अटक करण्यात आली आहे.

घटनेचा तपशील

पोलिसांनी दिलेल्या माहितीनुसार, 2 मे 2026 रोजी रात्री साडेनऊच्या सुमारास साईनाथ प्लाझा समोर, जे. एन. रोड, मुलुंड पश्चिम येथे ही घटना घडली.

मृत तरुणाचे नाव संतोषकुमार वकील बिंद (वय 31) असे आहे. फिर्यादी विशाल वकील बिंद (वय 23) यांनी पोलिसांत तक्रार दाखल केली.

संशयातून हल्ला

आरोपी राकेश कुमार झुंकू धीवर (वय 42) याने पत्नीशी संबंध असल्याच्या संशयावरून संतोषकुमार यांच्यावर चाकूने तोंडावर, गळ्यावर, छातीवर, पोटावर, पाठीवर तसेच दोन्ही हातांवर वार केले. या गंभीर हल्ल्यात संतोषकुमार यांचा मृत्यू झाला.

आरोपीला अटक

घटनेनंतर मुलुंड पोलिसांनी वरिष्ठांच्या मार्गदर्शनाखाली विशेष पथक तयार करून आरोपीचा शोध घेतला आणि त्याला तात्काळ अटक केली.

आरोपीला न्यायालयात हजर केले असता 7 मेपर्यंत पोलीस कोठडी सुनावण्यात आली आहे.

पुढील तपास सुरू

या प्रकरणाचा पुढील तपास पोलीस निरीक्षक नितीन खडगे करत आहेत.